Email marketing- Mr Turismo

Seguro que sabes que é o email marketing aínda que sexa de ver as campañas que chegan á túa bandexa de entrada do correo electrónico. Estas seguen sendo moi útiles e en turismo aínda máis, por iso hoxe traémosche unhas recomendacións para empezar a usalo.

Unha boa estratexia de email marketing axúdache a manter as relacións cos teus clientes, os máis antigos e os máis recentes. Agora que xa chega o pico estacional do turismo é unha maneira de aproveitar este recurso se aínda non o estás facendo, así que sigue as nosas recomendacións.

Aínda que penses que as campañas de email marketing son spam, a verdade é que xeran moito impacto nos clientes. Así que quédate a descubrir algunhas das súas vantaxes.

Que é o email marketing?

Vaiamos ao gran, estas campañas consisten no envío de mensaxes por correo electrónico para captar novos clientes, manter a relación con eles e de xeito interactivo, xerar conversión, reter  leads ao longo do tempo e moitos outros obxectivos.

Pero… que é o email marketing? Trátase dun dos recursos máis simples e rendibles marketing. Permíteche chegar a unha gran lista de persoas sen necesidade de destinar grandes cantidades de diñeiro e tempo. É un medio que chega ao usuario de maneira moi directa.

Existen multitude de ferramentas que che permiten chegar a eles, por exemplo  mailchimp, unha plataforma de automatización de marketing para campañas de correo electrónico. Polo que se aínda non estás posto neste tema haberá que empezar polo principio.

Agora que xa sabemos que é o email marketing, toca ver as nosas recomendacións para empezar a usalo. Pois como che dicíamos, é moi boa estratexia de marketing.

  • Define o teu público. Antes de nada, debes ter a túa propia lista de contactos, esa que che permite  segmentar e saber a quen queres que chegue a campaña. Os correos electrónicos son personalizados e permiten aumentar a interacción, xerando á súa vez un maior retorno do investimento ou ROI.

  • De onde veñen os clientes. Unha das principais cousas que hai que ter en conta é saber como e onde se inscribiron e deixaron o seu correo electrónico os usuarios para poder comunicarse mellor con el.

  • Planifica a túa campaña. Debes establecer unha frecuencia de envío e sinalar cal é o contido que queres facer chegar. Se envías demasiados correos electrónicos podes conseguir que os clientes non presten atención ou se dean de baixa. Así que é importante facer unha planificación de email marketing que evite o efecto contrario ao que queremos conseguir.

Beneficios das campañas de email marketing

As campañas de email marketing teñen numerosas vantaxes que quizá descoñecemos nun principio. Polo tanto, hoxe imos ver algunhas delas que seguramente che poidan interesar. En turismo as campañas de email son case obrigatorias, para hoteis, operadores de turismo, blogues… Por iso queremos darche uns consellos imprescindibles para que os teus correos electrónicos queden perfectos.

  • Reimpacto ou  retargeting implica enviar emails personalizados a persoas que xa se comunicaron de xeito interactivo coa nosa web. Por exemplo, se unha persoa se interesou por unha viaxe, podes  reimpactalo por email enviando descontos ou promocións para conseguir finalmente esa conversión. Non deixes que alguén quede a medias cunha reserva!

  • O deseño e aspecto visual é importante para crear sensacións, pois é a imaxe da túa marca. Tenta que sexa atractiva e  responsive, ademais o asunto ha de ser atractivo, xa que inflúe moito na taxa de apertura. Podes usar plantillas ou ben facer o teu propio deseño con imaxes de calidade que provoquen no usuario querer viaxar xa.

  • Para conseguir que os usuarios che deixen o seu contacto e poder así, crear esa base de datos, deberás ofrecer algo a cambio. Un bo exemplo sería o  descargable dunha guía turística ou un beneficio como un desconto inicial para as persoas que estean subscritas á  newsletter.

  • A customización está claro que é a tendencia que marca o marketing nos últimos anos e grazas á segmentación, as túas campañas de email poderán estar  customizadas ao máximo. Podes aproveitar isto para enviar aos usuarios correos electrónicos en datas que son especiais para el, por exemplo os seus aniversarios, e ademais falarlle directamente a el, xa que saberás o seu nome.

En  Mr Turismo non queremos que quedes atrás coas túas campañas de email marketing. Podes contactarnos a través do  mail comercial@mrturismo.com ou no teléfono 604 022 856 e poñerémonos a traballar niso, ademais podes consultar tamén o noso blogue con contidos de interese para ti e a túa empresa.


0 commentarios

Deixa unha resposta

O teu enderezo electrónico non se publicará