Emilio Rodríguez Canas é o Director Técnico e de Calidade de Adegas Terras Gauda, S.A. Licenciouse en Farmacia pola Universidade de Santiago de Compostela en 1989, realizando posteriormente un Máster de Viticultura e Enoloxía (1990) na Escola Técnica Superior de Enxeñeiros Agrónomos de Madrid. Tamén posúe un Postgrao en Dirección e xestión de PEME (1995) pola Facultade de Ciencias Económicas da Universidade de Santiago de Compostela. El foi o investigador principal da adega en numerosos proxectos de investigación relacionados co viñedo e a enoloxía, concretamente sobre microbioloxía e biotecnoloxía.
Tamén colaborou en numerosos proxectos de investigación con Universidades e o CSIC así como en publicacións ou documentos científico-técnicos, recibindo en 2009 o Premio da Real Academia Galega de Ciencias, compartido co CSIC polo “Estudo para a mellora da calidade do viño Albariño”.
0 comentarios