Seguro que moitas veces viches rutas que, aínda que desfrutas, quédanse en cumprir unicamente a función de agradarnos visualmente con paisaxes. Pero agora, cas rutas emocionais, darás un paso máis.

Os teus visitantes quedarán impresionados co teu destino e, ademais, serán partícipes da súa historia. Pois descubrirán recordos e emocións que lle farán conectar co lugar e a súa xente. E é que a poboación local será a encargada de facer, dun percorrido convencional, unha ruta emocional cunha temática concreta. As pequenas pezas audiovisuais que se poderán visualizar e que ampliarán a información, cativaraos.

Mentres que os teus visitantes planean a ruta desde as súas casas, poderán empezar a gozar da experiencia a través da tecnoloxía. Isto será posible grazas a un mapa completamente  navegable no que, desprazándose por el, poderán acceder a gran cantidade de información multimedia sobre a ruta.

E, aínda por riba, unha vez na ruta, poderán seguir accedendo á información a través do seu dispositivo móbil, que ademais lle mostrará a súa posición sobre o mapa en tempo real. E é que agora os teus visitantes quedarán impresionados antes e durante.